شجن

بحبك

2007-11-30T15:42:00.000-08:00

وانا بالف بين المدونات كعادتى اليومية قابلنى بوست رائع عند غادة لما قريته حسيت انها بتوصف حالتى بالضبط انا كمان لما ربنا يسرليا الأرتباط بأعز انسانة عندى فى الدنيا حسيت انى مش قادر أكتب أى حاجه عنها يمكن لأن الفرحه كانت أكبر بكتير من قدرتى أنى أوصفها بكلامى قولت يمكن بعد الخطوبه أكتب عنها ما قدرتيش
قولت يمكن بعد كتب الكتاب و كتبنا الكتاب و برضه ما قدرتش .
وخلاص فاضل ايام ونبقى مع بعض فى بيت واحد وبرضه شايف ان ما فيش كلام يقدر يتقال يوصف الى انا حاسه
لغاية ما قريت بوست غادة ولقيت انى مش لواحدى .
حبيبتى
ما فيش كلام فى الدنيا يوصفك ويوصف احساسى بيكى
ياريتنى كنت رسام وانا كنت رسمتك احلى من اى حد رسم فى يوم حبيبته
ياريتنى كنت شاعر وانا كنت كتبت فيكى قصيدة احلى من اى قصيدة كتبها واحد عن حبيبته
ياريت كنت باعرف اقولك او اعملك اى حاجه تقولك اد ايه باحبك
ما فيش غير كلمة واحده باقولهالك وهيا خارجه فعلاً من قلبى خارجه ومعاها كل تعب وعذاب و حزن السنين الطويلة الى عدت عليا وانتى بعيدة عنى
كلمة واحده هيا ...
بحبك
بحبك يا قلبى وروحى وعمرى
بحبك يا مراتى و حياتى وعمرى الى فات وما عشتهوش علشان كنت بعيدة عنى
بحبك يا عمرى الى جاى كله
بحبك يا أحلى حاجه حصلت فى عمرى كله
بحبك ... بحبك... بحبك

والله ولا تهونى.........

2007-04-13T16:02:00.000-07:00

تهون الدمعه فوق خدى ولا تهونى
يهون العمر ويعدى ولا تهونى

كلمات وجدتها مع مجموعة من اليوميات التى كتبتها محاولا وصفك ووصف ما أحس به تجاهك لم أستطع أن أتذكر مصدر تلك الكلمات مع انها تلخص كل ما حاولت كتابته عنك فى يوم من الأيام
حتى وجدتها بالصدفه فى أحدى أغنيات مدحت صالح وكانت المفاجأة فى باقى الأغنية

تهون الدمعه فوق خدى ولا تهونى
يهون العمر ويعدى ولا تهونى
ولو عشقى فى عيونك هان
هاشيلك برضه فى عيونى ولا تهونى
بحبك لو طريقى طال
ولو بينيك وبينى مُحال
هاجيلك لو هاعدى جبال
واروحلك فين ما بتكونى
ولو عشقى فى عيونك هان
هاشيلك برضه فى عيونى ولا تهونى

والله ولا تهونى ولا تهونى ولا تهونى

وحشتينى.............

Sway

2007-03-11T10:05:00.000-07:00

Sway

When marimba rhythms start to playDance with me, make me swayLike alazy ocean hugs the shoreHold me close, sway me more
Like a flowerbending in the breezeBend with me, sway with easeWhen we dance you havea way with meStay with me, sway with me
Other dancers may be on thefloorDear, but my eyes will see only youOnly you have the magictechniqueWhen we sway I go weak
I can hear the sounds ofviolinsLong before it beginsMake me thrill as only you know howSwayme smooth, sway me now
Other dancers may be on the floorDear, but myeyes will see only youOnly you have the magic techniqueWhen we sway I goweak
I can hear the sounds of violinsLong before it beginsMake methrill as only you know howSway me smooth, sway me nowYou knowhowSway me smooth, sway me now

أحلامى الصغيرة

2007-02-20T17:53:00.000-08:00

عندما تضيق الدنيا من حولك وتحس ان الحياة أصبحت حملاً ثقيلاً عليك لا يكون أمامك الا طريق واحد عالم واحد تلجاء اليه إنه عالم الأحلام تغير فيه كل ما حولك عند دخولك اليه تصبح انت السيد ولا سيد غيرك انت المتحكم فى كل شىء تحقق فيه ما لا تستطيع ان تحققه فى الواقع تقابل فيه من لا تستطيع ان تقابله فى الواقع تحب فيه من أحببته فى الواقع وتعيش معه أسعد لحظات حياتك أسف أقصد حلمك
ولأن الواقع أصبح مرير فلم يعد أمامى الا عالمى الخاص اللذى صنعته لنفسى الذى وضعت اساساته بيدى
أحلامى لم يعد امامى غيرها
ان أتخيلها معى امامى اكلمها اناديها يا من احببت بصدق فى هذا العالم يا من تعذبت منك ومن أجلك واسمعها تتهمنى بالمبالغه وأسمع منها كلمه انتظرتها طويلاً
ولكن يأبى واقعى الا ان يقتحم على أحلامى ويذكرنى بألامى ويعيد المرارة الى حلقى ويعيد الى أحساسى بالغضب من نفسى وأحساسى بالضعف والعجز والنقص ويملاء عينى بالدموع
حتى محاولاتى لدخول عالم الأحلام فشلت لأنى محبط من واقعى
أحبها هذه هى الحقيقه الوحيده التى أعرفها
أحبها

حاجة تقرف......

2006-07-01T17:48:00.000-07:00

حاجه تقرف
أحداث كتير فى مصر المحروسة كل يوم تطير النوم من عينك وتخليك تلعن البلد واليوم إلى أتولدت فيها .
فقر وغلا وفساد ومش كفايه كده لا إعتقلات وتعذيب وإنتهاك أعراض وتلفيق قضايا وحبس صحفيين و..و..و..و..و..ولو عدينا مش هانقدر نكمل .
و الزغلول الكبير أطفال بيضيع مستقبلها علشان فكروا يقولوا رأيهم وفجأة ....
يظهر المنقذ ويعفوا عنهم ويوعدهم يزورهم فى بيتهم كما البابا نويل ويجبلهم أرواح وفونضام ( يا ترى هيه مكتوبه كده صح ) والدنيا تقوم وما تقعدش ويتعمل مؤتمر صحفى ننشر فيه الخبر كأنه نصر مؤزر ومحدش يفكر يحاسب المسؤل عن الفضيحة دى
ده خلاص مبقاش إستهبال ده بقى إستهتار ده بقى.......
إستعمار

__ __ __ __ __ __ __ __ __ __

إمبارح فى برنامج (اليوم السابع ) على قناة mbc أتنين دكاتره محترمين قاعدين يرغوا لمدة نص ساعة او أكتر مع محمود سعد والى يقولوه يعيدوه والى يعيدوه يزيدوه والموضوع أيه.....
الدكتور الأول وهوه أستااااذ نساء و ولادة فى طب القصر العينى بيدعوا لتعليم الأطباء (السحر) لعلاج المرضى أه والله السحر.
والدكتور التانى أستاذ فى جامعة الأزهر وجاى يقول رأى الدين فى الموضوع
..... بذمتك مش حاجه تقرف

سن الثلاثين

2006-06-10T19:29:00.000-07:00

الخامسه صباحاً غرفه مظلمه إلا من ضوء شاشة الكمبيوتر ودخان السيجاره ذات التوليفه الإنجليزيه يتراقص أمامه يسرح مع الموسيقى الحزينه الى بيسمعها اليوم هو عيد ميلاده التلاتين.
ياااااااااااااااااه بقاله تلاتين سنه عايش ولسه محققش حاجه من أحلامه الأيام بقت كلها زى بعضها ناس عاشت وناس ماتت وهوه لسه زى ماهوه نفس الروتين اليومى من سنين.
بيفوق على طفية السيجاره وهى نازله عليه... إيه ده.
من شيش الشباك خيط ضوء داخل أول مشافه فرح كأنه أول مره يشوفه
فرح زى يوم ما شافها زى يوم ما قالها بحبك زى يوم ما عرف أنها بتحبه
فرح زى يوم ما حلموا سوه ببيت يجمعهم
فرح زى يوم ما قراء عن الأصلاح السياسى زى يوم ما حلم أنه بيعيش فى بلد كل إنسان بياخد حقه فيها زى يوم ما حلم بحريته
فرح زى يوم ما سمع عن حركة كفايه زى يوم الناس لما خرجت الشارع تقول كفايه .
قام يجرى فتح الشباك شاف النور خد نفسه جامد قوى كان نفسه الهوا يفضل فى صدره
ليه الهوا ريحته أجمل
بص على الناس فى الشارع خارجه بدرى نفسه يخرج هوه كمان يمشى معاهم نفسه يسلم على كل واحد
ليه الناس شكلها أحلى.
سرح فيها و فى أحلامه معاها
سرح فى الناس وفقرها
سرح فى الظلم وعلاء وشرقاوى
سرح فى الفساد
سرح فى حريته إلى لسه ملقهاش
الشمس طلعت , الدنيا حر , الشارع بقى زحمه ,الناس صوتها عالى تانى.
صوت أمه ( إقفل الشباك الأوضه أتملت دبان)
قفل الشيش ,قفل الأزاز
أتخنق
مات

2006-06-01T21:48:00.000-07:00

صرخة من موقع التغيير

إحساس عجيب

2006-05-27T19:45:00.000-07:00

بين نفس تتأرجح بين السعادة لخروج بعض المعتقلين وعلى رأسهم (مالك) والأمل فى تغيير قريب
ثم الصدمه لإعادة أعتقال (شرقاوى) و (كريم الشاعر) والألم لمعرفة ما حدث لهما من تعذيب وإعتداء.
بين حسابات الماده و ألآآآآآآآآآآآآآم النفس والجسد.
وجدت صورتك تتمثل أمامى لتملاء عقلى و نفسى لترسم إبتسامه حزينه على وجهى كم كنت أتمنى أن تكونى أمامى ألان.
وحشتينى..........

لا تعليق...!!!!

2006-05-16T19:37:00.000-07:00

النهارده فى درس بعد صلاة الفجر فى جامع تابع لجماعة أنصار السنة المنتشره فى أرجاء مصر أستمعت الى درس عن الفارق فى تعريف الإيمان بين فرق المعتزله و المرجئة و الخوارج ( الدرس بداء على حلقات منذ عدة أيام وكان عن تفسير سورة العصر)مع العلم أن ناس كتيره من الموجوده محتاجه الأول تتعلم أزاى تصلى صح و أزاى تقراء قرأن صح أو حتى الأول تتعلم أزاى تقراء وتكتب أصلاً.
لا تعليق.....................؟؟؟؟؟؟؟!!!!!!!!!!!!

حسبنا الله ونعم الوكيل

2006-05-07T19:58:00.000-07:00

بلأمس مالك واليوم علاء
و من سيكون غداً؟؟؟؟؟؟؟

الكلام على ميييييييييييييييين؟؟؟؟؟؟؟؟؟؟؟؟؟؟؟؟؟؟؟؟؟

2006-05-04T21:02:00.000-07:00

مالك

2006-04-29T20:31:00.000-07:00

عن محمد عادل

2006-04-29T19:59:00.000-07:00

أخبرني ياسر عبد الله الموجود الآن بمركز هشام مبارك أن ابراهيم الصحاري و ساهر جاد و مالك مصطفي و محمد عادل و أكرم الإيراني محتجزون في معسكر الأمن المركزي بطره , و محمد عادل مصاب في رأسه و في حالة سيئة .
__________________________________________
قرأت هذا الخبر فى مدونة ( ما بدا لى )
لم أكن أعرف من هو ( محمد عادل ) وأكتشفت انه مدون من الأخوان المسلمين و أسم مدونته هو ( مدونة ميت) ووجدت فيها هذه التدوينه ومنها تلك المقاطع:
شتٌمت ولم اتكلم ، إتٌهمت بالعماله للأمن ولم أتكلم ، قالوا علي مٌندس صغير ولم أبالي ، قالوا إني بتمول ولم أرد ، قالوا إني لٌعبه في يد زعماء وراغبي منصب ولم ألتفت لهم ، سبوني بينهم وبين بعض و أرد أو أبالي بهم ، هددوني ولم أقول لهم شئ .

إن أردتم النضال من أجل دحر هذا النظام الفاسد ، لا تبغون سلطه ولا جاه ، فأنا معكم ، أجاهد بكل ما لدي من قوه من أجل هذا الوطن ، أبذل كل ما أملك من مال وروح من أجل إسلامي ووطني .

في النهايه تحيه لكل من وهب نفسه وضحي بكل ما يملك من أجل هذا الوطن ، حتي لو كان مختلف معي فكريا

تحياتي
أخوكم في الله : محمد عادل

عن مالك

2006-04-27T20:57:00.000-07:00

شاب صغير السن كبير العقل والقلب كما يتضح من كتاباته لم أعرفه معرفه شخصيه ولكن قرأت كلماته التى تنبض بالأحساس والحب لأرض هذا الوطن
ضحى بحريته من أجل فكره وكلمة حق لذلك وجب على أن أشكره وأعتذر له عن جبنى وتخاذلى فى مشاركته لحظة انتصاره والدفاع عنه ضد طغاة الوطن .ستعود يا مالك ولكن الفرق انك ستعود أقوى وأسمك فى سجل شرف هذا الوطن ونحن فى سجل الخزى والعار .
(مدونة مالك )

قلب الوطن مجرووووووووووووووووح.................

2006-04-26T16:57:00.000-07:00

بعيون مليئه بدموع محبوسه اكتب
من يومين شوفت الى حصل امام نادى القضاه و حصلتلى حاله من الأكتئاب مش حزن على المخطوفين من خيرة شباب ورجال مصر من خرجوا ليقولوا شهادة حق ولكن حزن على نفسى الجبانه انا وناس كتير تانيه كتمنا شهادة حق و النهارده بعد مهاجمة الأعتصام التانى و بعد ما شفت ازاى كلاب الأمن كانوا بيخطفوا ناس مسالمه خارجه تعبر عن رأيها لقيت دموعى بتنزل وقلبى بينقبض انقباضة موت .
مش قادر حتى أكتب
لمتابعة الأحداث ( مدونة مابدا لى )
مقاطع فيديو من ( الوعى المصرى )
فض الأعتصام الثانى
واليكم الفيديوhttp://www.zippyvideos.com/7498406264945506/amnوهذه وصلة تنزيل الملفhttp://216.86.150.60/videos/0/494550_2116f.wmvوائل عباس

shbab_kefaya · شباب من أجل التغيير

عجبى..............

2006-04-23T19:41:00.001-07:00

يأسك وصبرك بين إيديك و أنت حر
تيأس ما تيأس الحياة راح تمر
أنا دقت مندا ومندا
عجبى
لقيت الصبر مر وبرضك اليأس مر
و عجبى!!!!!
(-صلاح جاهين)
_ _ _ _ _ _ _ _ _ _ __ _ _ _
وانا لقيت اليأس مر و مر ومرررررررررررررررررررر

اسكندريه ليه؟؟؟؟؟؟؟؟؟؟؟؟؟؟؟؟؟؟؟؟؟؟؟

2006-04-16T20:32:00.000-07:00

بعد جوله فى المدونات لمتابعة اخر اخبار احداث الأسكندريه و بعد ما قريت البوستات وقريت التعليقات لقيت نفسى باسمع أغنية على الحجار (يا مصرى)

اعتذار واجب

2006-04-09T20:55:00.000-07:00

احياناً كتيره بسأل نفسى سؤال مهم جداً
ليه بدأت التدوين؟؟؟؟؟؟؟؟؟؟؟؟؟؟؟
ليه كنت السبب فى مضايقه ناس ملهاش ذنب دخلت المدونه على امل انها ممكن تلاقى حاجه كويسه ما لاقيتش غير شوية كلام بيفضفض بيه واحد عن نفسه حتى الأسلوب بتاعه كمان مش قد كده ؟؟؟؟؟؟؟؟؟؟؟؟؟؟؟
ليه ابتديت اكتب وانا ماليش اصلاً فى الكتابه؟؟؟؟؟؟؟؟؟؟؟؟؟؟؟
لقيت اجابه واحده ان هنا كان المكان الوحيد الى ممكن اصرخ فيه بصوت عالى المكان الوحيد الى ممكن اقول لأغلى إنسانه عندى كل الى نفسى اقولهولها ومش عارف حتى لو كنت متأكد انها مش هاتقرى الكلام ده .
باختصار هنا ممكن افضفض واطلع الى جوايا.
ممكن ناس تقول ايه التفاهة دى حب ايه والبلد بتغرق والدنيا بتولع والناس بتموت فى العباره ويطلعوا هما فى الأخر السبب بالأشتراك مع السيد ( الموقد الغازى ) المتهم الرئيسى فى كل الحوادث عندنا .
للناس دى باقول اعذرونى ما فيش وسيله تانيه افضفض بيها .
و فى النهايه
انا باعتذر لكل انسان دخل المدونه و ملاقاش حاجه تعجبعه

بدون عنوان

2006-02-18T17:22:00.000-08:00

كلمات كثيره تدور فى رأسى ولكن لا تستطيع يداى ان تطاوعنى حتى ابوح بما يجول فى صدرى الكلمات مختنقه فيه احساس فظيع يشبه الأحساس بالشلل حاله من الكأبه لا يعلم مداها الا الله لا استطيع التوقف عن التفكير فيكى حتى ولا لثانيه واحده
كم اود ان اصرخ باسمك حتى يصل صوتى الى كافة ارجاء الكون حتى تسمعينى املاٌ ان تلبى ندائى

2006-02-02T17:29:00.000-08:00

لكِ حبيبتى

2006-01-18T21:40:00.000-08:00

قصيده قرأتها للشاعر عبد الرحمن يوسف من ديوانه على المكشوف أحسست انها تعبر عن كثير مما يجول بخاطرى وانها هى خير كلام أٌهديه لمن احب

عَـلــــى الـمَـكـْـشـُــــوفِ ! ! !

كـَطـُيــُـوفٍ تـَـرْكـُـضُ خـَلـْـــفَ طـُيـُـــــوفْ

أوْ بــَــــــدْر ٍ فــي لـَحْـظــَــــاتِ خـُسـُــــوفْ

أتـَأمـــَّــــلُ فِـيـــــكِ . . . فـَأ ُبْـصِـرُنـِـــــــي

بـِهــَــــوَاكِ خـَـرَجْـــتُ عــَــن ِ الـمَـألــُـــوفْ

أتـَأمـــَّــــلُ فِـيــــــكِ . . . مُـغـَامَـرتــِــــــي

وَشـْــــــمٌ لقـُـلــُـــوب ٍ فــَــــوْقَ كـُـفـــُـــوفْ

مــَـــــاذا قــَــــــدْ أغــْـــــرَقَ مَـرْكـَبـَـنــــــــا

مـَـــــوْجٌ ؟ أمْ لـلأقــْــــدَار ِ صُــــــرُوفْ ؟

أنـَـــا فـــي قـِيـعـَــــــان ٍ مِــــــــنْ ألــَــــــم ٍ
و طـُمُـوحِــي يَـصْـعـَــــدُ نـَحـْـــوَ سُـقــُــوفْ

وَتــَـــــــري مـِــــنْ طـــُــــول ِ تـَمــََــــــرُّدِهِ
قـــَــــدْ مــَــــلَّ العــَــــازِفَ و المَـعـْــــزُوفْ

و خـَريطــَــــة ُ حُسْــنــِــــكِ قــَـــدْ نـُحِـتـَــتْ
فـــــي خــَــــدِّي بـالـدَّمـْـــــعِ ِ المـَــــذ ْرُوفْ

يــَـــا كـَعْـبـَــــة َ عِـشـْـقـــي أنـَـــا طـَيـْــــرٌ
مِـــنْ حَـوْلـِــكِ بـَـــاتَ الـّليـْـــلَ يَطــُــــوفْ

أقــْـــــدَارِي تـُـشـْـقِـيـنــــــــي بـُــعـْـــــــــدَاً
و أعــُــودُ كـَمـَـــا الطـِّـفـْــــل ِ المَـلـْهـُـــوفْ

أدْمـَـنـْــــــتُ شِـفـَاهـَـــــــكِ فــــي لـَيْـلـِــــي
أمْسـَــــى لـــــــي كـَــــــدَوَاءٍ مَـوْصُـــــوفْ

صَلـَّيـْـــــتُ لـِـرَبــِّــــي يَـجْـمَـعُـنــَـــــا . . .
أنْ يَــرْحَمَـنـِـــــــي . . . و اللهُ رَؤُوفَْ ! ! !

ذَاعــَـــــــتْ بالشـِّعــْـــــــر ِ حِكَايَـتـُنـــَــــــــا
فـَـرَآهـَــــــا المُـبْـصِــــــرُ و المَكـْـفـــُــــوفْ

و غــَــــدَوْتُ أ ُمـَــــارِسُ حُبــَّــــــكِ فـــــي
كـُـلِّ الحَـالاتِ . . عـَلـى المَـكـْـشـُـوفْ . . !!!

http://www.arahman.net/Page92.htm

فضفضه

2006-01-13T06:56:00.000-08:00

كم اتحمل من ضغوط
إن قلبى يكاد يتمزق من فرط الألام التى يحس بها
بدأت الحكايه من اشهر كثيره كانت المرة الاولى التى رأيتها فيها احسست ان هناك شىء غريب بهذه الفتاه مع انى كنت اقاوم الأعتراف بهذا حتى احسست كم هى قريبة من قلبى عند هذا كان لابد ان أخضع لأمر الهوى ياليتنى لم اخضع له فلكم كسر من قلوب وأزل من عظماء و لكنى خضعت .
وبعد خضوعى تمزقت بين حبى لها وإحساسى بحبها لى وبين رفضها لهذا الحب ولكنها بعد فترات العناد ايقنت انها يجب ان تخضع هى الأخرى لأن ما باليد حيله وسبحانه من يقلب القلوب.
كم احس بالنشوة عندما اتذكر كم كنت سعيداً وانا انظر فى عينيها وارى نظرات الحب تطل من اسفل رموشها الخجوله وهى تحاول ان تمنعهم من الخروج لأحتضان نظرات الشوق فى عينى .
ياليتها دامت تلك الأيام ولكن كما فى كل قصص الحب الأفلاطونى يجب ن تحدث المأساه وان يجرحك أقرب الناس الى قلبك.
وللحكايه بقيه...............................